Spaletti "Yuventus"un baş məşqçisi təyin edilib

"Yuventus " "Roma", "Zenit", "İnter" və "Napoli"nin sabiq baş məşqçisi Lusiano Spalettini yeni baş məşqçi təyin edib .

"PostMedia" xəbər verir ki, bu İtaliya klubunun saytında qeyd edilib.

 Məlumata görə, müqavilə mövsümün sonuna qədər nəzərdə tutulub.

İtaliya çempionatının 9 turundan sonra "Yuventus" 15 xalla 7-ci yerdədir.

Spaletti 2023-cü ilin sentyabrından bu yana çalışdığı İtaliya millisinin baş məşqçisi vəzifəsindən bu ilin iyununda istefa verib.

"Yuventus" oktyabrın 27-də xorvatiyalı İqor Tudoru baş məşqçi vəzifəsindən azad edib.