FIFA Dünya Kubokuna qatılan komandalar üçün transferə razılıq verib

Beynəlxalq Futbol Assosiasiyaları Federasiyası (FIFA) Dünya Kuboku 2025-ə qatılacaq komandalar üçün yeni oyunçularln transferinə razılıq verib.

“PostMedia” xəbər verir ki, turnirdə iştirak edəcək klublar 1-10 iyun tarixlərində transfer edə biləcəklər.

FIFA-nın verdiyi açıqlamada, 2025 Klublar Dünya Kubokunda iştirak edəcək 32 klub üçün əlavə transfer dövrünün açıldığı bildirilib.

Açıqlamada qeyd olunub ki, turnirdə iştirak edəcək klublar 1-10 iyun tarixlərində müqavilə imzalamaq üçün istisna transfer pəncərəsindən yararlana biləcəklər.

Hər il 7 komandanın iştirak etdiyi Klublar Dünya Kuboku, format dəyişikliyindən sonra artıq hər 4 ildən bir 32 komandanın iştirakı ilə keçiriləcək.

Bu il 15 iyun–13 iyul tarixlərində 2025 Klublar Dünya Kuboku iştirakçısı olacaq 32 komandanın 12 şəhərdə 63 oyun keçirəcək.