Çempionlar Liqası: “Real”, PSJ və “Arsenal” 1/4 finala yüksəlib

Futbol üzrə Çempionlar Liqasında 1/8 finalın cavab görüşləri keçirilib.

Növbəti mərhələyə İspaniyanın ikinci yeri sahibi "Real Madrid", İngiltərənin ikinci yeri sahibi Londonun “Arsenal” və Fransa çempionu, Çempionlar Liqasının cari qalibi PSJ yüksəlib.

“Real Mdrid” cavab matçında braziliyalı hücumçu Vinisius Juniorun iki qoluna görə İngiltərənin “Mançester Siti” komandasını 2:1 hesabı ilə məğlub edib. İlk görüşdə isə urugvaylı yarımmüdafiəçi Federiko Valverdinin het-triki sayəsində Madrid klubu 3:0 qələbə qazanmışdı.

PSJ isə Londonda dünyanın klub çempionu “Çelsi”yə qarşı 3:0 hesablı böyük üstünlük əldə edib.

“Arsenal” isə Londonda “Bayer Leverkuzen” üzərində 2:0 hesablı qələbə qazanıb. İlk matç 1:1 hesabı ilə bitmişdi.