Ronaldonun “Al-Nassr” klubu ilə növbəti oyunu boykot etməsi gözlənilir

02-fevral-2026

Yazı Ölçüsü:

Portuqaliya millisinin və “Al-Nassr”ın 40 yaşlı hücumçusu Kristiano Ronaldo Səudiyyə Ərəbistanı klubundakı vəziyyətdən narazıdır və ilk oyunlarda iştirak etməməyi planlaşdırır.

"PostMedia" portuqal mətbu orqanı "A Bola"ya istinadən xəbər verir ki, Ronaldo “Al-Nassr”ın növbəti oyununda “Er Riyad” komandası ilə keçiriləcək matçda iştirak etməyəcək. O, Səudiyyə Ərəbistanının Dövlət İnvestisiya Fondu tərəfindən klubun idarə olunmasından və kifayət qədər investisiya edilməməsindən narazıdır.

Ronaldo hesab edir ki, “Al-Nassr” rəhbərliyi kluba zərər verir və transfer bazarında “Al-Hilal” ilə müqayisədə kifayət qədər aktiv deyil.

Ronaldo 2023-cü ildən “Al-Nassr”da çıxış edir və onun müqaviləsi 2027-ci ilə qədər nəzərdə tutulub.