İran MOSSAD-a casusluqda günahlandırılan şəxsi edam edib

İran hakimiyyətləri MOSSAD üçün casusluqda günahlandırılan Kürüş Kivanini edam edib.

"PostMedia" xəbər verir ki, bu barədə "Fars" agentliyi məlumat yayıb.

İranın dövlət mediasının məlumatına görə, Kivani İsrail kəşfiyyatına ölkənin strateji əhəmiyyətli obyektləri barədə fotoşəkillər və məlumatlar vermişdi. Edam hökmü məhkəmə proseslərinin tamamlanmasından və İran Ali Məhkəməsinin təsdiqindən sonra icra olunub.

İslam İnqilabı Keşikçiləri Korpusunun açıqlamasına görə, şübhəli iyunun 15-də, 12 günlük müharibənin dördüncü günü, Savoçbolaq bölgəsindəki özəl evdə həbs olunub. Həbs zamanı onun əlində 30,000 avro nağd pul, yük maşını, motosiklet, kəşfiyyat və peyk rabitə avadanlığı aşkar edilib.

İttihamlarla bağlı digər detalları, o cümlədən ittihamların müstəqil təsdiqi barədə məlumat verilmir.