"JP Morgan": İranın İsrailə endirdiyi zərbələrin dəqiqliyi doqquz dəfə artıb

İranın İsrailə endirdiyi zərbələrin dəqiqliyi doqquz dəfə artıb.

"PostMedia" xəbər verir ki, bu barədə "JP Morgan" məlumat yayıb.

Bildirilib ki, İsrailə qarşı İran raketlərinin dəqiqliyi müharibənin ilk iki həftəsindəki 3%-dən 27%-ə qədər yüksəlib.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayıblar. Zərbələr İranın paytaxtı Tehran və ölkənin ən böyük şəhərlərinə yönəldilmişdi. Zərbələrdən dərhal sonra İslam İnqilabı Keşikçiləri Korpusu genişmiqyaslı cavab əməliyyatı elan etmişdi.

İsrail və ABŞ-ın hücumları nəticəsində İranın ali lideri ayətullah Əli Seyid Xamenei və digər yüksək vəzifəli şəxslərin də öldürüldüyü bildirilir.

Martın 2-də “Hizbullah” da İsrailə qarşı müharibəyə qoşuldu. İsrail bu hərəkatın əleyhinə əməliyyatlara başladığını açıqladı.

Martın 23-də ABŞ prezidenti Donald Tramp İranla danışıqların bir həftə davam edəcəyini və hərbi zərbələrin beş gün təxirə salındığını bildirmişdi. Lakin İran bu məlumatı təkzib edib, İsrail isə Trampın təklifini rədd edib.