Polisə 60 min dəfə zəng edən şəxs həbs edildi

Cənubi Koreyada 50 yaşlı kişi darıxdığından polisə 60 min dəfə zəng edib və həbs olunub.

"PostMedia" xəbər verir ki, o iki il ərzində daim polis şöbəsinə zəng vuraraq yalan bəyanatlar verib.

Məsələn, qardaşını öldürmək istədiyini deyib və ya onu on ildir əsir saxladıqlarından şikayətlənib.

Təkcə ötən ilin may ayında o, cəmi dörd gün ərzində 1882 dəfə polisə müraciət edib. Ümumilikdə isə iki il ərzində zənglərinin sayı 58 mini ötüb.

Polislər bu şikayətlərdən bezdikləri üçün həmin kişini həbs ediblər. Dindirilmə zamanı o, təkliyindən əziyyət çəkdiyini və içki içəndə zəng etdiyini etiraf edib. Onu beş ilədək həbs və ya 10 milyon von (təxminən 12 120 manat) cərimə gözləyir.