Gürcüstanda kriminal aləmlə əlaqədə şübhəli bilənən 78 nəfər depotasiya edilib

Gürcüstanda genişmiqyaslı xüsusi əməliyyat çərçivəsində 78 qeyri-qanuni şəxsin ölkədən çıxarıldığı bildirilir.

"PostMedia" Gücüstan KİV-ləinə istinadən xəbər verir ki, əməliyyat zamanı 75 yaşlı bir qadın xəsarət alıb və o, Batumi Beynəlxalq Universitet Klinikasına aparılıb.

"Rustavi 2" telekanalının məlumatına əsasən, Acarıstan bölgəsində səhər saatlarından etibarən görünməmiş miqyasda xüsusi əməliyyat keçirilir. Əməliyyatda Gürcüstan Daxili İşlər Nazirliyi və Gürcüstan Dövlət Təhlükəsizlik Xidmətinin yüzlərlə əməkdaşı iştirak edir.

Qeyri-rəsmi məlumata görə, əməliyyat Helvaçauri bələdiyyəsinin Şarabidzeebi kəndində aparılır və kriminal aləmlə əlaqədə şübhəli bilinən təxminən 80 nəfər saxlanılıb.

Bildirilir ki, xəsarət alan qadın saxlanılan şəxslərdən birinin anasıdır. Bundan əlavə, yerli sakinlərin sözlərinə görə, saxlanılmadan əvvəl iki qardaş özlərinə xəsarət yetirib.

Hüquq-mühafizə orqanları tərəfindən hadisə ilə bağlı rəsmi açıqlama verilməyib.