İnterpol tərəfindən axtarışda olan Türkiyə vətəndaşı Batumidə saxlanılıb

İnterpolun “qırmızı bülleteni” ilə beynəlxalq axtarışda olan Türkiyə vətəndaşı Gürcüstanın Acarıstan Muxtar Respublikasının paytaxtı Batumidə saxlanılıb.

"PostMedia" xəbər verir ki, bu barədə Gürcüstan Daxili İşlər Nazirliyi məlumat yayıb.

Məlumata görə, 30 yaşlı şəxs vətənində bir sıra ağır cinayətlər törətməkdə ittiham olunur. Hazırda o, həbs edilib və müvafiq prosedurlardan sonra Türkiyəyə ekstradisiya olunacaq.

Qeyd olunur ki, Gürcüstan DİN-in tərkibində fəaliyyət göstərən İnterpolun Milli Mərkəzi Bürosu vasitəsilə İnterpol ilə fəal əməkdaşlıq edir, beynəlxalq axtarışda olan cinayətkarların tutulması üçün İnterpolun məlumat bazalarından istifadə edir və müxtəlif istiqamətlər üzrə informasiya mübadiləsi aparır.