Yoğun bağırsaq xərçəngi cavanlaşır: riski necə azaltmaq olar?!

Qastroenteroloq Meri Borum "Women's Health" nəşrinə müsahibəsində yoğun bağırsaq xərçənginin qarşısını almaq üçün tövsiyələr verib.

"PostMedia" nəşrə istinadən xəbər verir ki, həkim bu xəstəliyin yaranmasında həyat tərzi ilə bağlı olan amillər böyük rol oynadığını vurğulayıb. Onun sözlərinə görə, xəstəlik hallarının 50 faizdən çoxu birbaşa həyat tərzi ilə əlaqəlidir.

Nə edə bilərsiniz?

Xərçəng riskini azaltmaq üçün beş əsas amilə diqqət yetirmək tövsiyə olunur:

• Siqaret və alkoqoldan imtina edin. Bu vərdişlər onkoloji xəstəliklərin əsas tetikleyicilərindən hesab olunur.

• Sağlam qidalanın. Rasion balanslı olmalı və kifayət qədər lif (sellüloz) ehtiva etməlidir.

• Fiziki aktiv olun. Oturaq həyat tərzi riski artırır.

• Çəkinizi nəzarətdə saxlayın. Artıq çəki orqanizmin sistemlərinə əlavə yük yaradır.

“Gənclər çox vaxt bu amillərin təsirini kiçik hesab edirlər. Halbuki onları aradan qaldırmaq xəstəliyə qarşı güclü qoruyucu sədd yaradır”, – deyə həkim Borum bildirib.

Nə vaxt həkimə müraciət etmək lazımdır?

Gec diaqnozun əsas səbəblərindən biri “əhəmiyyətsiz” görünən simptomların nəzərə alınmamasıdır. Həkim aşağıdakı hallarda narahatlığı adi mədə pozuntusu kimi qiymətləndirməməyi tövsiyə edir:

1. Bağırsaq fəaliyyətində davamlı dəyişikliklər.

2. Keçməyən qarın ağrısı və narahatlıq.

3. Hər hansı qeyri-adi ifrazatlar.

Vacibdir: əgər vəziyyətiniz qısa müddətdə yaxşılaşmırsa, mütləq tibbi müayinədən keçmək lazımdır. Erkən diaqnoz uğurlu müalicənin əsas şərtidir.