“Visa” süni intellekt sahəsində “OpenAI” ilə əməkdaşlığa başlayıb

Bu gün “OpenAI” platformalarında qüsursuz və etibarlı ödənişləri təmin etmək üçün agent ticarəti daxilində təhlükəsiz “Visa” ödənişlərini təmin etmək məqsədilə “OpenAI” ilə strateji əməkdaşlığa başladığını elan etdi.

”PostMedia” xəbər verir ki, şirkətlər bu açıqlamanı San-Fransiskoda keçirilən “Visa Payments Forum” adlı tədbirdə verdilər. “Visa” şirkəti bu tərəfdaşlıq vasitəsilə agent ticarəti təcrübələrini dəstəkləmək üçün qlobal şəbəkəsini, giriş imkanlarını və təhlükəsizlik infrastrukturunu təmin edəcək, istehlakçılara və müəssisələrə inamla qarşılıqlı əlaqədə olmağa və əməliyyatlar aparmağa kömək edəcək.

Bu əməkdaşlıq yeni rəqəmsal mühitlərdə təhlükəsiz ödəniş imkanlarını genişləndirmək üçün daha geniş “Visa Intelligent Commerce” təşəbbüsünün bir hissəsidir. Süni intellektin rəqəmsal interaksiyalar üçün mühüm interfeys kimi inkişaf etməyə davam etdiyi bir dövrdə “Visa” və “OpenAI” həmçinin “Codex” tərəfindən dəstəklənən developer-yönümlü təcrübələr, eləcə də daha avtomatlaşdırılmış və danışıq iş prosesləri də daxil olmaqla bir sıra müəssisə tətbiqlərini araşdıracaq.

Tərəfdaşlıq çərçivəsində “Visa”nın ödəniş imkanlarının “OpenAI” təcrübələrinə inteqrasiyası aparılacaq ki, bu da developerlərə və satıcılara agentlər tərəfindən başladılan “Visa” ödənişlərini qəbul etmək üçün sadələşdirilmiş yol təqdim edəcək. “OpenAI” ilə yanaşı, “Visa” etibarlı və təhlükəsiz əməliyyatları dəstəkləyən əsas şəbəkə, tokenizasiya və risk imkanları təmin edəcək.

Əməliyyatlar xərc limitləri, satıcı kateqoriyaları və ya tələb olunan təsdiqlər kimi aydın müəyyən edilmiş istifadəçi icazələri, siyasətləri və nəzarət mexanizmləri daxilində icra olunacaq. Əməliyyatlar etibarlı təhlükəsizlik və istehlakçı mühafizəsini təmin etmək üçün süni intellektlə idarə olunan yeni ödəniş üsullarının tətbiqinə kömək məqsədilə tokenləşdirilmiş “Visa” giriş məlumatlarını, real vaxt rejimində avtorizasiyanı və fırıldaqçılıq (fraud) monitorinqini istifadə edəcək.

"Süni intellekt ticarətin transformasiyasını internet və ya mobil texnologiyaların etdiyindən daha dərindən edəcək", - deyə “Visa”nın Məhsul və Strategiya üzrə Baş direktoru Cek Forestell bildirib. "Süni intellekt agentləri iqtisadiyyatın fəal iştirakçılarına çevrildikcə, “Visa” əməliyyatların etibarlılığı, təhlükəsizliyi və qüsursuzluğunu təmin etməyə çalışır. Bu, “OpenAI” kimi tərəfdaşlarla qurduğumuz infrastrukturdur."

"Ticarət bugün olduğundan daha çox sahədə və daha geniş şəkildə həyata keçiriləcək. Agentlər isə insanlara alış-veriş və ödənişlərdən tutmuş daha mürəkkəb əməliyyatlara qədər pulla bağlı tapşırıqları yerinə yetirməyə kömək etməkdə getdikcə daha vacib rol oynayacaqlar”, - deyə “OpenAI”ın Tərəfdaşlıqlar və Ticarət şöbəsinin rəhbəri Marko Mahrus bildirib. "Visa Intelligent Commerce” ilə inteqrasiya aparmaqla, təhlükəsiz, şəffaf və istifadəçi tərəfindən idarə olunan agent əməliyyatları üçün infrastruktur qurur, insanların süni intellekt agentləri ilə daha çox iş görmələrinə kömək edir, ödənişlərin təhlükəsiz və etibarlı şəkildə həyata keçirildiyinə əminliyimizi qoruyuruq".

“Visa” (NYSE: V) rəqəmsal ödənişlər sahəsində dünya lideridir və dünyanın 200-dən çox ölkə və regionunda istehlakçılar, biznes, maliyyə və hökumət təşkilatları arasında həyata keçirilən maliyyə əməliyyatlarını dəstəkləyir. Şirkətin missiyası innovativ, rahat, etibarlı və təhlükəsiz ödəmə şəbəkəsi vasitəsilə dünyanı birləşdirməklə istehlakçıların rifahına xidmət etmək, biznes və iqtisadiyyat üçün davamlı inkişaf imkanlarını təmin etməkdir. Biz əminik ki, iqtisadi əlçatanlığın hamı üçün genişləndirilməsi bütün dünyada insanların güzəranını yaxşılaşdırır və pulların gələcək qlobal hərəkətinin əsası təşkil edəcək.