MAGATE Zaporojye AES-nın Ətrafinda Müvaqqət Atəşkəs Zonasi yaradilmasi üçün məsləhətlərə başlayib

Atom Enerjisi üzrə Beynəlxalq Agentlik (MAGATE) Zaporoje Atom Elektrik Stansiyası (ZAES) ətrafında müvəqqəti atəşkəs zonası yaradılması ilə bağlı məsləhətləşmələrə başlayıb.

"PostMedia" "RIA Novosti"yı istinadən xəbər verir ki, bunu Agentliyin baş direktoru Rafael Grossi bildirib.

O qeyd edib ki, “MAQATE, 2 yanvar 2026-cı ildə hərbi əməliyyatlar nəticəsində Ukrayna tərəfdən Zaporoje AES-in 330 kV-luq son ehtiyat xətti zədələndikdən və dayandırıldıqdan sonra, stansiyanın yalnız 750 kV-luq əsas xəttdən asılı qalması səbəbindən müvəqqəti atəşkəs zonası yaradılması üçün məsləhətləşmələrə başlayıb.”

Stansiyanın mətbuat xidmətinin məlumatına görə, “Ferrosplavnaya-1” xətti 3 yanvar tarixindən işləməyib və Zaporoje AES-in öz ehtiyacları 750 kV-luq “Dneprovska” əsas xəttindən təmin olunub. Təhlükəsizlik limitlərinin pozulması qeydə alınmayıb.

Zaporoje AES Dnepr çayının sol sahilində, Enerqodar yaxınlığında yerləşir və Avropanın ən böyük atom stansiyasıdır. Burada hər biri 1 gigavatlıq altı enerji bloku fəaliyyət göstərir. 2022-ci ilin oktyabrından stansiya Rusiya mütəxəssislərinin nəzarətinə keçib. Enerji bloklarında generasiya 2022-ci ilin sentyabrında dayandırılıb, 2024-cü ilin aprelindən isə onlar soyuq dayandırma rejimindədir.