Türkiyədə bakalavr təhsilinim müddəti 3 ilə endirilir

Türkiyədə universitet tələbələrinin təhsili 3 ilə bitirə bilməsinə imkan verən yeni sistem gələn ildən tətbiq olunacaq.

"PostMedia" xəbər verir ki, bu barədə Yüksəköğretim Kurulu (YÖK) sədri Erol Özvar məlumat verib.

Özvar bildirib ki, uğurlu və tələbləri qarşılayan tələbələr eyni proqramı daha qısa müddətdə — 3 ilə tamamlaya biləcəklər.

Onun sözlərinə görə, burada əsas məqsəd tədris proqramının məzmununun azaldılması deyil, tələbənin bütün bilik və bacarıqları daha intensiv şəkildə mənimsəməsinə şərait yaratmaqdır.

Özvarın sözlərinə görə, yeni 3 illik sistem və tətbiqi təhsil modeli 2025-ci ildən etibarən mərhələli şəkildə həyata keçiriləcək.