Mədə hüceyrələrini insulini istehsal etməyə məcbur edən gen terapiyası yaradılıb

Çin və ABŞ-dən olan alimlər mədə hüceyrələrini “yenidən proqramlaşdıraraq” insulini istehsal etməyə məcbur edən gen terapiyası hazırlayıblar. Terapiya uğurla siçanlar və insan mədəsinin mini orqanoidləri üzərində sınaqdan keçirilib.
"PostMedia" xəbər verir ki, tədqiqat Kor­nell Universitetinin (ABŞ) və Çin alimlərinin iştirakı ilə aparılıb. Alimlər müəyyən ediblər ki, üç genin aktivləşdirilməsi mədə hüceyrələrini mədəaltı vəzinin insulin ifraz edən hüceyrələrinə çevirir.
Bu üsul sayəsində 1-ci tip diabetin inkişafı siçanlarda dayandırılıb. Hüceyrələr implantasiyadan yarım il sonra da aktiv qalıb və orqanizmdəki şəkər səviyyəsinə cavab olaraq insulin ifrazını davam etdirib.
Alimlər bunun gələcəkdə insulin inyeksiyalarına alternativ təbii müalicə üsulu ola biləcəyini bildirirlər.