Alimlər Günəşə yaxın ulduzun ətrafında yaşayışa yararlı “super-Yer” planet tapıblar

ABŞ-nin Pensilvaniya Ştat Universitetinin alimləri "Gliese 251" adlı ulduzun ətrafında yerləşən və Yer kürəsindən dörd dəfə böyük “super-Yer” planetin mövcudluğunu təsdiqləyiblər.

"PostMedia" xəbər verir ki, planet “yaşayış zonasının” mərkəzində yerləşir və bu, onun səthində maye halda suyun mövcud ola bilməsi ehtimalını artırır.
Yeni nəsil 30 metrlik teleskoplar sayəsində alimlər yaxın illərdə "Gliese 251c" planetinin atmosfer tərkibini öyrənməyi planlaşdırırlar.
Planet ulduzun ətrafında 54 günə tam dövr edir və Yer kürəsindən cəmi 18 işıq ili məsafədə — Əkizlər bürcündə yerləşir. Bu kəşf alimlərə yaşayışa yararlı planetlərin atmosferini birinci dəfə öyrənmək imkanı verəcək.