“Predu” bağçasında azyaşlı ilə kobud rəftarla bağlı görüntülər yayıldı, bağça açıqlama verdi - VİDEO

11-sentyabr-2025

Admin

“Predu” bağçasında azyaşlı ilə kobud rəftarla bağlı görüntülər yayıldı, bağça açıqlama verdi - VİDEO

Yazı Ölçüsü:

Bakıda uşaq bağçasında tərbiyəçinin azyaşlı ilə kobud rəftarını əks etdirən görüntülər yayılıb.

"PostMedia" xəbər verir ki, bu barədə görüntülər İqtisadiyyat.az-ın redaksiyasına göndərilib.

Redaksiyamıza müraciət edən vətəndaş hadisənin “Predu” uşaq bağçasının paytaxtın Xətai rayonundakı Həzi Aslanov filialında baş verdiyini qeyd edib.

O bildirib ki, uşaq bağçasına aylıq 1144 manat ödəniş etdiyi halda övladına göstərilən xidmətdən narazıdır.

“Söhbət mənim 3 yaşlı övladımdan getmir, axı azyaşlı uşağa necə şiddət göstərmək olar?”, - deyə adını açıqlamaq istəməyən valideyn bildirib.

Məsələ ilə bağlı “Predu” uşaq bağçasından da açıqlama verilib.

Məlumatda deyilir:

“Kadrlarda əks olunan uşaq aprel ayında bağçamıza başlamışdır. Bağçaya başlarkən valideynləri uşaqdakı mövcud problemlər haqqında məlumat verməmişdir. Ancaq uşaq nevropatoloq nəzarətində olan, dərman qəbul edən və ümumi inkişaf ləngiməsi diaqnozludur.
Uşaq psixoloq və loqoped dəstəyi alırdı.

Qrupda uşaqlara qarşı aqressiv davranışları, kriz periodları artdığı üçün valideynlərinə qrupdan kənarlaşdırılmaq təklif edilmişdir. Ancaq ailə bunu qəbul etməyib, bağçaya qarşı təhdidkar ifadələr işlətmişdir.

Valideynin qeyd etdiyi ödəniş miqdarı reallığı əks etdirmir. Görüntülərin əvvəl kadrları kəsildiyi və sürətləndirildiyi üçün bu şəkildə kobud görünür. Ancaq bağçamızda hər hansısa uşağa qarşı kobudluq halı olmayıb. Müşahidə kameralarımız 7/24 aktivdir”.