Öz universitetində rektor kreslosuna əyləşdi

Razia İsayeva Xəzər Universitetinin rektoru təyin edilib.

"PostMedia" Universitetə istinadən xəbər verir ki, bugün Xəzər Universitetinin Elmi Şurasında bu qərar qəbul olunub.

Bu təyinatdan əvvəl o, universitetin İqtisadiyyat və Menecment fakültəsinin dekanı kimi fəaliyyət göstərib.

Razia İsayeva həm bakalavr, həm də magistr təhsilini Xəzər Universitetində alıb, Corc Vaşinqton Universitetində "Layihələrin idarə olunması" üzrə magistr dərəcəsini qazanıb, 2024-cü ildə isə Finlandiyanın Lapland Universitetində fəlsəfə doktorluğu dissertasiyasını uğurla müdafiə edib.

“Erasmus+” proqramı çərçivəsində beynəlxalq layihələrin müəllifi və rəhbəri kimi tanınır, təhsil, sənaye və insan resurslarının idarə olunması sahəsində zəngin təcrübəyə malikdir.