Paşinyan: "Yaxın günlərdə Azərbaycan nümayəndə heyətləri Ermənistana gələcək"

Bu il artıq iki rəsmi erməni nümayəndə heyəti Azərbaycana səfər edib. Onun sözlərinə görə, yaxın vaxtlarda Azərbaycan nümayəndə heyətlərinin də Ermənistana gələcəyi gözlənilir.

"PostMedia" xəbər verir ki, bunu Ermənistan Baş naziri Nikol Paşinyan Hamburqda jurnalistlərə açıqlamsında deyib.

Paşinyan qeyd edib ki, bu il Azərbaycan ərazisindən tranzit keçməklə qatar Ermənistana daxil olub və mətbuatda neft məhsullarının Azərbaycandan Ermənistana idxalı məsələsinin də müzakirə edildiyini oxuyub.

O, bunu balanslaşdırılmış xarici siyasətin uğuru kimi təqdim edib:

“Bu nailiyyətdən niyə imtina etməliyik? Əksinə, bu uğuru inkişaf etdirməliyik”.