Ərdoğan Macarıstanın baş naziri ilə görüşüb

Türkiyə Prezidenti Rəcəb Tayyib Ərdoğan İstanbulda Macarıstanın baş naziri Viktor Orbanla görüşüb.

Bu barədə ”PostMedia” türk mediasına istinadən xəbər verir.

Ərdoğan bildirib ki, danışıqlardan sonra iki tərəf münasibətlərinin müqavilə-hüquqi əsasını möhkəmləndirəcək müxtəlif sənədlər imzalayıb.

Bura aviasiyadan tutmuş təhlükəsizliyə, texnologiyadan tutmuş mədəniyyət və təhsilə qədər bir çox sahəni əhatə edən razılaşmalar daxildir.

O qeyd edib ki, Türkiyə və Macarıstan daha əvvəl razılaşdırılmış 6 milyard dollarlıq ticarət dövriyyəsi hədəfinə çatmağa yaxındır.

“Ölkələrimiz arasında böyük ticarət potensialını nəzərə alaraq, ticarət dövriyyəsini 10 milyard dollara çatdırmaq imkanını müzakirə etdik”, – deyə Ərdoğan vurğulayıb.