Əli Əsədov Mixail Mişustinlə telefonla danışıb

Azərbaycan Baş naziri Əli Əsədov Rusiya Baş naziri Mixail Mişustinlə telefon danışığı aparıb.

"PostMedia" xəbər verir ki, bu barədə Rusiya hökumətinin mətbuat xidməti məlumat yayıb.

Tərəflər ölkələr arasında ticarət-iqtisadi, elmi və texniki əməkdaşlığın əsas məsələlərini, həmçinin MDB çərçivəsində əməkdaşlığın dərinləşdirilməsi imkanlarını müzakirə ediblər.

Mişustin və Əsədov eyni zamanda sənaye, energetika, nəqliyyat infrastrukturu və digər sahələrdə birgə layihələrin həyata keçirilməsinin vacibliyini vurğulayıblar.