Ermənistan–Fransa müdafiə sahəsində əməkdaşlığı genişləndirmək istəyir

Noyabrın 28-də Ermənistanın Fransadakı səfirı Arman Xaçatryan Fransiya Prezidentinin hərbi məsələlər üzrə müşaviri, xüsusi hərbi qərargahın rəisi, ordu generalı Vinsent Jiro ilə görüşüb.

”PostMedia” erməni KİV-lərinə istinadən xəbər verir ki, görüşdə Ermənistan və Fransa arasında dostluq münasibətlərinə, o cümlədən müdafiə əməkdaşlığına dair geniş spektrli məsələlər müzakirə olunub.

Səfir Xaçatryan 8 avqustda Vaşinqtonda Ermənistan və Azərbaycan arasında əldə olunmuş razılaşmalar barədə məlumat verib və Cənubi Qafqazda sülhün institusional şəkildə möhkəmləndirilməsi istiqamətində Ermənistanın atdığı addımları təqdim edib.

Tərəflər həmçinin regional təhlükəsizliklə bağlı mövzulara da toxunublar.