Nikol Paşinyan: "Qarabağ danışıqları ilə bağlı sənədlər ATƏT-in Minsk Qrupunun ləğvindən sonra dərc olunacaq"

"Qarabağ üzrə danışıqlar paketi bu ilin sonuna qədər ATƏT-in Minsk Qrupu ləğv edildikdən sonra dərc olunacaq". "PostMedia" xəbər verir ki, bu barədə Ermənistanın Baş naziri Nikol Paşinyan jurnalistlərə açıqlamasında bildirib.

Ermənistan Baş naziri əlavə edib ki, bu qərar gələn ilin iyununda keçiriləcək parlament seçkilərinə heç bir təsir göstərmir.

“Bu sənədlər paketinin sahibi təkcə biz deyilik. ATƏT-in Minsk Qrupunun bu ilin sonuna qədər ləğv olunması gözlənilir, bundan sonra mənəvi və siyasi maneələr aradan qalxacaq və sənədlər sərbəst şəkildə dərc ediləcək".

Paşinyan bildirib ki, Ermənistanın artıq öz zəmanətçiləri olub və məhz həmin zəmanətçilərlə bağlı yaranan təsəvvürlər mövcud problemlərin yaranmasına səbəb olub.

“44 günlük müharibə zamanı Ermənistanın keçmiş üç prezidenti hökumət adından Rusiyaya danışıqlara getmək istəmişdi. Mən onlara təyyarə verdim. Amma mən rus həmkarlarıma nə deməliydim ki, onları mənim kimi qəbul etsinlər? Deyim ki, onlar Ermənistanın baş nazirləridir? Yaxud Ermənistan artıq üç nəfərlik hökumət tərəfindən idarə olunur və mən artıq baş nazir deyiləm? Mən dedim: ‘Üzərində Armenia yazılan təyyarəni götürüb uçun. "Uçsunlar"," — deyə Paşinyan bildirib.

Nikol Paşinyan həmçinin jurnalistlərə kameralar olmadan Ermənistanın aldığı silahları göstərməyə hazır olduğunu deyib. O qeyd edib ki, hökumətə qarşı “ordu silahsızlaşdırılıb” və “müdafiə xərcləri azaldılıb” kimi tənqidlər səslənir. “Bəs niyə biz bu silahları indi ala bilirik, amma əvvəl yox? Ən vacib məqam odur ki, bizim strategiyalarımız indi qanuniliyə əsaslanır. O vaxt bizə açıq şəkildə deyirdilər – bütün hörmətlə – lakin bizə silah sata bilməzdilər, çünki əmin deyildilər ki, bu silahlar suveren ərazimizlə bağlı ehtiyacların xaricində istifadə olunmayacaq,” — deyə Paşinyan fikrini yekunlaşdırıb.