Paşinyan: "Rusiya-Ermənistan dəmir yolu xəttinin Azərbaycandan keçməsi üçün danışıqlar aparılır"

Bəzi tərəfdaş ölkələr Vaşinqton Bəyannaməsinin imzalanmasından sonra narahatlıq ifadə etsələr də, zamanla bu təşəbbüsə maraq göstərməyə başlayıblar.

"PostMedia" xəbər verir ki, bu barədə Ermənistanın Baş anziri Nikol Paşinyan “Orbeli – 2025” beynəlxalq konfransında çıxış edərkən deyibş

Paşinyan xatırladıb ki, Vaşinqton sazişlərinin həyata keçirilməsi nəticəsində İran Qara dənizə və əks istiqamətdə tranzit yol əldə edəcək. O vurğulayıb ki, layihənin reallaşması ilə Gürcüstanın tranzit potensialı da əhəmiyyətli dərəcədə artacaq — həm Qara dəniz, həm də Fars körfəzi istiqamətində.

Bundan başqa, Paşinyan qeyd edib ki, Rusiya ilə Ermənistan arasında dəmir yolu əlaqəsinin Azərbaycan ərazisindən keçməklə bərpa olunması barədə də danışıqlar aparılır.