Paşinyan Moldova Prezidenti ilə Azərbaycanla əldə edilmiş razılaşmanı müzakirə edib

Ermənistanın Baş naziri Nikol Paşinyan Moldovanın Prezidenti Maya Sandu ilə görüşüb.

"PostMedia" xəbər verir ki, görüş Paris Sülh Forumu çərçivəsində baş tutub.

Görüş zamanı həmçinin ölkə liderləri avqustun 8-də Vaşinqtonda Azərbaycan və Ermənistan arasında əldə olunmuş razılaşmalar və regionda dayanıqlı sülhün bərqərar olunması istiqamətində atılan addımları müzakirə ediblər.

Tərəflər Ermənistan–Moldova ikitərəfli münasibətlərinin inkişaf perspektivlərini, demokratik islahatların təşviqinə və regional təhlükəsizliyə dair məsələləri müzakirə ediblər.