Putin İranın ali liderinə məktub göndərib

İranın Ali Milli Təhlükəsizlik Şurası BMT Təhlükəsizlik Şurasında göstərdiyi mövqeyə görə Rusiyaya təşəkkür edib.

"PostMedia" xəbər verir ki, bu barədə "Sepah Pasdaran" "Telegram" kanalı məlumat yayıb.

Tehranda Rusiya Prezidentinin xüsusi nümayəndəsi ilə keçirilən görüş zamanı İranın Ali Milli Təhlükəsizlik Şurasının katibi Əli Laricani Moskvanın Təhlükəsizlik Şurasının iclaslarında sərgilədiyi dəstəyə və mövqeyə görə təşəkkürünü bildirib.

“Məlumata görə, Rusiya prezidentinin xüsusi nümayəndəsi regionda əməkdaşlıqla bağlı təşəbbüslərdən danışıb və ehtimal olunur ki, Prezident Putinin şəxsi məktubunu Ayətullah Xamenei-yə təqdim edib”, – məlumatda qeyd olunub.