Nikol Paşinyan Roma Papası ilə görüşüb

Ermənistanın Baş naziri Nikol Paşinyan Vatikan səfəri çərçivəsində Roma Papası XIV Leo ilə görüşüb.

"PostMedia" xəbər verir ki, bu barədə Ermənistan hökumətinin mətbuat xidməti məlumat yayıb.

Paşinyan Vatikanda baş keşiş İqnatios Maloyan və daha 6 nəfərin kanonizasiyası (müqəddəs elan edilməsi) mərasimində iştirak edib. Mərasimə Papa XIV Leo rəhbərlik edib.

Məlumata görə, görüş zamanı regional məsələlər də gündəmdə olub. Tərəflər Ermənistanla Azərbaycan arasında sülhün əldə edilməsi və humanitar məsələlər barədə fikir mübadiləsi aparıblar. Papa bu istiqamətdə əldə olunan irəliləyişi alqışlayıb və bölgədə sülhün yeni əməkdaşlıq və sabitlik mərhələsinin başlanğıcı olacağına ümid etdiyini bildirib.