Azərbaycan və İran hərbi dəniz qüvvələrinin rəhbərliyi Sankt-Peterburqda görüşəcək

06-oktyabr-2025

Turan Hüseynli

Azərbaycan və İran hərbi dəniz qüvvələrinin rəhbərliyi Sankt-Peterburqda görüşəcək

Yazı Ölçüsü:

Bu gün Azərbaycan və İran hərbi dəniz qüvvələrinin rəhbərliyinin Sankt-Peterburqda görüşü gözlənir.

"PostMedia" xəbər verir ki, bu barədə İranın Rusiyadakı Səfirliyindən "RİA Novisti"yə bildirilib.

Məlumata görə, bu məqsədlə İran Silahlı Qüvvələrinin tərkibində fəaliyyət göstərən Hərbi Dəniz Qüvvələrinin komandanı Şahram Irani Sankt-Peterburqa səfər edib.

Səfərin məqsədi Xəzər dənizi regionuna daxil olan ölkələrin Hərbi Dəniz Qüvvələri rəhbərlərinin toplantısına qatılmaqdır.

İranın dövlət televiziyası (IRIB) xəbər verir ki, general Şahram Irani Sankt-Peterburqda Rusiya, Azərbaycan və Qazaxıstan Hərbi Dəniz Qüvvələrinin komandanları ilə ikitərəfli danışıqlar aparacaq.

Bundan əlavə, o, Finlandiya körfəzində yerləşən bir neçə hərbi-dəniz bazasına da baş çəkəcək. Səfərin məqsədi Xəzər dənizində təhlükəsizlik, dəniz əməkdaşlığı və birgə təlimlərin keçirilməsi ilə bağlı məsələləri müzakirə etməkdir.