Rusiya XİN rəhbərinin müavini və Azərbaycanın Rusiyadakı səfiri ikitərəfli məsələləri müzakirə ediblər

Rusiya Xarici İşlər Nazirinin müavini Andrey Rudenko və Azərbaycanın Moskvadakı səfiri Rəhman Mustafayev Asiyada Qarşılıqlı Fəaliyyət və Etimad Tədbirləri üzrə Müşavirə (AQFETM) platformasında ikitərəfli əməkdaşlıq məsələlərini müzakirə ediblər.
"PostMedia" xəbər verir ki, müzakirə Asiyada Qarşılıqlı Fəaliyyət və Etimad Tədbirləri üzrə Müşavirə (AQFETM) çərçivəsində baş tutub.

“Görüş zamanı Rusiya–Azərbaycan əməkdaşlığının Asiyada Qarşılıqlı Fəaliyyət və Etimad Tədbirləri üzrə Müşavirə platformasındakı məsələləri nəzərdən keçirilib”, — deyə Rusiya Xarici İşlər Nazirliyinin məlumatında bildirilir.
Qeyd edək ki, dekabrın sonunda Rusiya Azərbaycan qarşısında 11 Rusiya vətəndaşının tezliklə azad olunması məsələsini yenidən qaldırıb. Müvafiq məlumat Rusiya XİN rəhbərinin müavini Mixail Qaluzinin Azərbaycanın səfiri ilə görüşünün yekunlarına dair Rusiya diplomatik qurumunun rəsmi saytında dərc olunub.