ABŞ Dövlət Departamentinin nümayəndə heyəti Maduro həbsindən sonra ilk dəfə Venesuelaya gəlib

ABŞ Dövlət Departamentinin nümayəndə heyəti Nikolas Maduronun həbsindən sonra ilk dəfə cümə günü Venesuelaya səfər edib.

"PostMedia" xəbər verir ki, bunu ABŞ rəsmiləri CNN-ə bildirib.

Səfər ABŞ-nin Karakasdakı səfirliyini yenidən açmağa hazırlaşdığı və ölkədə diplomatik mövcudluğu bərpa etmək öhdəliyini vurğuladığı bir dövrdə baş verir. Prezident Donald Tramp ölkəni ABŞ-ın "idarə etməyi" planlaşdırdığını qeyd edib.

Mətbuat katibi bildirib ki, Kolumbiyada yerləşən Venesuela məsələləri üzrə ABŞ diplomatları və təhlükəsizlik işçiləri, həmçinin ABŞ-ın Kolumbiyadakı səfirliyində fəaliyyət göstərən nümayəndə John McNamara, Venesuelanın paytaxtına gəliblər ki, “fəaliyyətin mərhələli bərpası imkanlarını ilkin qiymətləndirsinlər.”

Qeyd edək ki, 2019-cu ildə ABŞ diplomatik heyətini geri çağırmış və səfirlik fəaliyyətini dayandırmışdı. Venesuela məsələləri üzrə bölmə isə hələ də Kolumbiyadakı səfirlikdən fəaliyyətini davam etdirir. Dövlət Departamentinin yüksək vəzifəli rəsmisi bildirib ki, departament Venesuelada səfirliyi “yenidən açmağa hazırdır, əgər prezident belə qərar verərsə.”

Keçmiş diplomatlar ABŞ-ın mövcudluğunun olmamasının Venesuelanın bərpası və hökumətin məsuliyyəti üçün çətinliklər yarada biləcəyini vurğulayıblar. Prezident Tramp isə bildirib ki, ABŞ neft şirkətlərinin ölkədə fəaliyyətini bərpa etməsini və bərpaya töhfə verməsini istəyir. Bu həftənin əvvəlində o, ABŞ-ın səfirliyi yenidən açmaq üçün “xahiş etdiyini” açıqlayıb, lakin əlavə detal verməyib.