İran şahının oğlu Trampa çağırış etdi: “İranda etirazlara müdaxilə etməyə hazır olun”

1979-cu ildə devrilmiş İran şahı Məhəmməd Rza Pəhləvinin oğlu Rza Pəhləvi ABŞ prezidenti Donald Trampa müraciət edərək ölkədə baş verən etirazlarda iştirak edənlərə dəstək üçün müdaxiləyə hazır olmağı tövsiyə edib.

"PostMedia" bu barədə "RIA Novosti"yı istinadən xəbər verir.

Cümə axşamı Tramp Fox News-a verdiyi müsahibədə bildirib ki, əgər İran hakimiyyəti etirazçıları öldürməyə başlasa, ABŞ güclü zərbə endirəcək və bu barədə Tehranı məlumatlandırıb. Prezident vurğulayıb ki, o “bir neçə dəfə və açıq şəkildə” İranda xalqın yanına gəlməyə hazır olduğunu bildirib.

Rza Pəhləvi isə sosial şəbəkə X-də Trampa yardım üçün müraciət edib, etirazların vəziyyətini qısa şəkildə təsvir edib və qeyd edib ki, ABŞ prezidentinin təhdidləri yerli hakimiyyət orqanlarına sarsıdıcı təsir göstərib. O yazıb:

“Mən sizdən kömək istəyirəm. Sizi... sülh və söz sahibi insan kimi tanıyıram. İranda xalqın köməyinə gəlmək üçün müdaxiləyə hazır olun.”

Pəhləvi həmçinin yaxın günlərdə iranlıların yenidən etirazlara çıxacağını bildirib və başqa paylaşımında Trampın, Ağ Ev və ABŞ dövlət katibi Marco Rubionun sosial media hesablarını qeyd edib.

8 yanvarda İranın bir sıra şəhərlərində Pəhləvinin çağırışına cavab olaraq etiraz yürüşləri keçirilib. Sosial mediada yayılan videolar böyük kütləvi aksiyaları əks etdirib və həmin gün ölkədə internet dayandırılıb.

Etirazlar 2025-ci ilin dekabrının sonlarında İran rialının devalvasiyası səbəbindən başlayıb. Əvvəlcə əsas mövzu valyuta kursunun kəskin dəyişməsi və bunun topdansatış və pərakəndə qiymətlərə təsiri idi, lakin sonradan bir sıra şəhərlərdə etirazlar polislə qarşıdurmalara çevrilib və şüarlar siyasi xarakter alıb — mövcud rejimə qarşı yönəlib. Hadisələr zamanı həm hüquq-mühafizə orqanları, həm də etirazçılar arasında itkilər qeydə alınıb.

İranın Ali Milli Təhlükəsizlik Şurası ABŞ və İsraili İslam Respublikasında baş verən iğtişaşların təşkili ilə ittiham edib.