Gürcüstan Türkiyə və Azərbaycan vətəndaşlarını deportasiya edib

06-yanvar-2026

Türkan Nəbi

Gürcüstan Türkiyə və Azərbaycan vətəndaşlarını deportasiya edib

Yazı Ölçüsü:

Gürcüstan Daxili İşlər Nazirliyinin Miqrasiya Departamentinin əməkdaşları, aidiyyəti qurumlarla sıx əməkdaşlıq çərçivəsində son günlər ərzində 13 əcnəbini Gürcüstandan deportasiya ediblər.

"PostMedia" xəbər verir ki, bu barədə "Georgia Online" nəşri məlumat yayıb.

Miqrasiya Departamentinin həyata keçirdiyi hərtərəfli tədbirlər nəticəsində Türkmənistan, İran, Kuba, Türkiyə, Tailand və Azərbaycan vətəndaşları olan ümumilikdə 13 nəfər ölkədən çıxarılıb.

Qeyd olunur ki, son bir il ərzində Gürcüstandan deportasiya edilən əcnəbilərin ümumi sayı 1 311 nəfərə çatıb. Mövcud qanunvericiliyə əsasən, deportasiya olunan şəxslərin ölkəyə girişi qadağan edilib.

Gürcüstan DİN-in Miqrasiya Departamentinin əsas vəzifələrindən biri gücləndirilmiş miqrasiya nəzarəti və digər xüsusi tədbirlər vasitəsilə ölkədə qanuni əsası olmadan yaşayan əcnəbilərin müəyyən edilməsi və onların ölkədən kənarlaşdırılmasıdır.