Tokayev: "İlham Əliyev fiziki cəhətdən güclüdür və daim məşq edir"

Qazaxıstan Prezidenti Kasım-Jomart Tokayev bildirib ki, o, hər gün yoqa ilə məşğul olur.

“PostMedia” xəbər verir ki, Tokayev bu barədə “Turkistan” qəzetinə verdiyi müsahibədə danışıb.

Ümumilikdə, sağlamlığı ilə bağlı sualı cavablayarkən Qazaxıstan lideri heç bir sağlamlıq problemlərinin olmadığını qeyd edib. Bununla yanaşı, MDB ölkələri liderləri arasında fiziki hazırlığının yüksək olduğunu vurğulayıb.

Tokayev, Azərbaycan Prezidenti İlham Əliyevin fiziki cəhətdən güclü olduğunu və daim məşqlər etdiyini ifadə edib: “Sadır Japarov futbol ilə məşğuldur, Şavkat Mirziyoyev yaxşı formada qalır və məşq edir. Paşinyan velosiped sürməklə məşğuldur. Lukaşenko isə hokkey oyununa davam edir. Emoməli Rahmon da sağlamlığından şikayətçi deyil”. Onun sözlərinə görə, bütün həmkarları yaxşı fiziki formada qalmaqdadırlar.