Rusiya Ermənistanda yeni AES tikmək istəyir

Rusiya dövlətinə məxsus “Rosatom” korporasiyası erməni tərəfdaşlara respublika üçün ətraflı və son dərəcə əlverişli təkliflər paketi təqdim edib və onları mümkün qədər tez reallaşdırmağa hazırdır.

"PostMedia" xəbər verir ki, bunu Rusiyanın Ermənistandakı fövqəladə və səlahiyyətli səfiri Sergey Kopırkin “Noev Kovçeg” qəzetinə müsahibəsində bildirib.

Onun sözlərinə görə, söhbət Metsamor Atom Elektrik Stansiyası üçün yeni enerji blokunun tikintisindən gedir.

Səfir əlavə edib ki, hazırda qərar Yerevanın ixtiyarındadır.

“Etibarlı, sınaqdan çıxmış texnologiyaların mövcudluğu, eləcə də cəlbedici maliyyə şərtləri baxımından real alternativlər yoxdur”, – deyə səfir vurğulayıb.