Putin Sovet xalqının soyqırımı qurbanlarının Xatirə Gününü təsis edib

Rusiya Prezidenti Vladimir Putin Rusiyanın yeni yadda qalan tarixinin — 19 aprel — Böyük Vətən müharibəsi dövründə nasistlər və onların əlaltıları tərəfindən törədilmiş Sovet xalqının soyqırımı qurbanlarının Xatirə Gününün təsis edilməsi haqqında qanunu imzalayıb.

"PostMedia" xəbər verir ki, sənəd hüquqi aktların rəsmi dərc edildiyi saytda yerləşdirilib.

Qanun layihəsi bu ilin noyabrında bir qrup deputat tərəfindən Rusiya Dövlət Dumasına təqdim edilmişdi. Onlar 19 aprel tarixini Sovet xalqının soyqırımı qurbanlarının Xatirə Günü elan etməyi təklif etmişdilər.

İzahlı qeyddə qeyd olunduğu kimi, bu yadda qalan tarixin təsis edilməsi tarixin saxtalaşdırılmasına qarşı mübarizədə mühüm əhəmiyyət kəsb edəcək.

Rusiya Dövlət Dumasının sədri Vyaçeslav Volodin qeyd edib ki, 13 milyondan çox mülki SSRİ vətəndaşı alman-faşist işğalının qurbanı olub. Onun sözlərinə görə, milyonlarla dinc insan öldürülüb, diri-diri yandırılıb, konsentrasiya düşərgələrində işgəncələrə məruz qalıb; İkinci Dünya müharibəsi illərində heç bir ölkə Sovet xalqının nəsibinə düşən qədər itki verməyib.