İran ölkənin bir sıra bölgələrində eyni vaxtda raket sınaqları keçirir – Media

İranda raket sınaqları keçirilir.

"PostMedia" xəbər verir ki, bu barədə bazar ertəsi "Fars" agentliyi məlumat yayıb.

"Əhalidən alınan müşahidələr və məlumatlar ölkənin müxtəlif rayonlarında raket sınaqlarının keçirildiyini göstərir. Raket sınaqları barədə məlumatlar Xürrəmabad, Mahabad, İsfahan, Tehran və Məşhəd şəhərlərindən daxil olub", deyə məlumatda bildirilir.

İran rəsmiləri hələlik buraxılışlar barədə məlumatları şərh etmirlər. Bundan əvvəl İran XİN-in rəsmi nümayəndəsi İsmayıl Baqai bəyan etmişdi ki, Tehran öz raket proqramı ilə bağlı heç bir dövlətlə danışıqlar aparmaq niyyətində deyil, çünki bu proqram müstəsna olaraq İslam Respublikasının ərazisinin müdafiəsi üçün zəruridir.