Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ölkəmizdə səfərdə olan Rusiya xarici işlər nazirinin müavini Mixail Qaluzinlə görüşüb.
"PostMedia" xəbər verir ki, bu barədə H.Hacıyev özünün "X" hesabında məlumat verib.
Görüş zamanı ikitərəfli, regional və beynəlxalq məsələlər ətrafında fikir mübadiləsi aparılıb.
Rusiyanın TASS agentliyi də görüşlə bağlı məlumat yayaraq yazıb ki, görüşdə eyni zamanda Bakı və İrəvan arasında normallaşma prosesini və bu prosesə Rusiyanın göstərdiyi yardımı müzakirə edilib.