Azərbaycan İsrailin qərarını tənqid edib

Azərbaycan Somalinin beynəlxalq səviyyədə tanınmış sərhədləri daxilində suverenliyinə, birliyinə və ərazi bütövlüyünə tam dəstəyini bir daha təsdiqləyir.

"PostMedia" xəbər verir ki, bu barədə Azərbaycan Xarici İşlər Nazirliyinin bəyanatında deyilir.

Bəyanatda qeyd olunur ki, İsrailin Somalilend bölgəsini müstəqil dövlət kimi tanıması beynəlxalq hüququn norma və prinsiplərinə, habelə BMT Nizamnaməsinə ziddir.

"Biz beynəlxalq ictimaiyyəti məsuliyyətli şəkildə və beynəlxalq hüquqa tam uyğun hərəkət etməyə çağırırıq", - deyə bəyanatda əlavə edilir.