Rusiya və Azərbaycan müttəfiqlik münasibətlərini inkişaf etdirmək barədə razılığa gəlib

Dekabrın 29-da Rusiya Federasiyası xarici işlər nazirinin müavini Mixail Qaluzin Rusiya Federasiyasında Azərbaycanın fövqəladə və səlahiyyətli səfiri Rəhman Mustafaev ilə görüşüb.

"PostMedia"nın Rusiya XİN-nə istinadən verdiyi məlumata görə, görüş zamanı ötən il ərzində Rusiya–Azərbaycan əməkdaşlığının nəticələri ümumiləşdirilib.

Tərəflər 2022-ci il fevralın 22-də Moskvada imzalanmış Rusiya Federasiyası ilə Azərbaycan arasında müttəfiqlik əməkdaşlığı haqqında Bəyannaməyə, eləcə də oktyabrın 9-da Düşənbədə iki ölkə liderlərinin görüşü zamanı əldə olunmuş razılaşmalara uyğun olaraq ikitərəfli əlaqələrin inkişafını davam etdirməyə sadiqliklərini bir daha təsdiqləyiblər.

Bu kontekstdə tərəflər 2026-cı ildə Rusiya–Azərbaycan gündəliyinin bütün istiqamətləri üzrə təmasların genişləndirilməsi niyyətində olduqlarını bildiriblər.