Smartfonunuzla çox vaxt keçirirsinizsə deməli yoxsulsunuz

Müasir dövrdə “doomscrolling” – yəni smartfonda mənfi xəbərləri və sosial şəbəkə məzmununu fasiləsiz izləmək vərdişi – insanın gəlir səviyyəsinin gizli göstəricisinə çevrilə bilər.

"PostMedia" xəbər verir ki, bu barədə "New York Post" (NYP) nəşri məlumat yayıb.

İnstaqram istifadəçisi Ceymi tərəfindən paylaşılmış viral video milyonlarla baxış toplayıb. O, bildirib ki, texnologiyadan həddindən artıq istifadə və dopamin asılılığı insanlarda yorğunluq və emosional tükənmə yaradır.

“Mən bəzən saatlarla ekran qarşısında oluram, çünki hər şeydən sıxılmış hiss edirəm. Sadəcə sakitliyə ehtiyacım var,” – deyə o etiraf edib.

Ceyminin sözlərinə görə, daim telefonda vaxt keçirən insanlar adətən iş gərginliyi və stress içində olurlar, bu da onların rahat həyat tərzindən uzaq olduqlarını göstərir.

“Yüksək gəlirli ailələr uşaqlarına saatlarla planşet qarşısında oturmağa icazə vermir. Onlar uşaqları müxtəlif fəaliyyətlərə cəlb edirlər. Tam inkişaf edən uşaqlar texnologiyadan asılı olanlar deyil” – deyə o vurğulayıb.

İzləyicilərin çoxu bu fikirlərlə razılaşıb. Şərhlərdə qeyd olunub ki, ekran asılılığı daha çox stressli və maddi məhdudiyyəti olan insanlarda müşahidə olunur. Bir istifadəçi yazıb: “Uşaqların iPad-lə məşğul olması sosial təbəqələşmənin göstəricisidir.” Başqası əlavə edib: “Milyarderlər "doomscrolling" etmir, çünki onların həyatında həll olunmamış böhranlar yoxdur”.

Mütəxəssislər xəbərdarlıq edirlər ki, bu vərdiş xüsusilə yatmazdan əvvəl sağlamlığa mənfi təsir göstərir. *News.com.au* nəşrindən Reyçel Birdin sözlərinə görə, “sosial şəbəkələr sizi daim tətbiqdə saxlamaq üçün hazırlanıb. İnsanlar yuxularını qurban verərək saatlarla sükrol etməyə davam edirlər”.

Beləliklə, tədqiqatçılar hesab edirlər ki, "doomscrolling" təkcə həyat tərzini və stress səviyyəsini deyil, həm də insanın sosial və iqtisadi statusunu dolayı yolla əks etdirə bilər.