Təlim zamanı İranın 2 hərbi qulluqçusu həyatını itirib

İranın İslam İnqilabı Keşikçiləri Korpusunun (İİKK) “Qüds” qüvvələrinin ictimaiyyətlə əlaqələr şöbəsi Tehranın əyalət təlim düşərgəsində gənc qvardiyaçılar üçün keçirilən hərbi təlimlər zamanı iki İİKK üzvünün həlak olduğunu bildirib.

"PostMedia" xəbər verir ki, bu barədə "Mehr" agentliyi xəbər yayıb.

“İslam İnqilabı Keşikçiləri Korpusunun iki şərəfli qvardiyaçısı – cənab Əbdülhüseyn Çərəqi və cənab Hüseyn Şərbati Tehranın əyalət təlim düşərgəsində gənc qvardiyaçılar üçün keçirilən hərbi təlimlər zamanı şəhid olublar”, – məlumatda deyilir.

Bəyanata əsasən, həlak olan hərbçilər cümə günü İran paytaxtının cənubunda yerləşən Şəhriyar şəhərində dəfn olunacaqlar.