Rusiya vətəndaşı Azərbaycanda çirkli pulların yuyulması ittihamı ilə 4 il azadlıqdan məhrum edilib 

Azərbaycanda məhkəmə Rusiya vətəndaşı Aleksandr Vayseronu cinayət yolu ilə əldə edilmiş vəsaitlərin leqallaşdırılması (çirkli pulların yuyulması) işi üzrə təqsirli bilib.

"PostMedia" xəbər verir ki, ittihamçı tərəf Vaysero üçün 5 il azadlıqdan məhrumetmə cəzası istəsə də, məhkəmə onu 4 il müddətinə həbs cəzasına məhkum edib. 
İstintaqın məlumatına görə, Vaysero 2025-ci ilin yayında digər Rusiya vətəndaşları ilə birlikdə saxlanılıb və əvvəlcədən razılaşdırılmış şəkildə təşkil olunmuş qrupun tərkibində fəaliyyət göstərib. İttihama əsasən, o, 727 min manat (təxminən 427,7 min dollar) məbləğində vəsaiti leqallaşdırıb.