Pedri zədələnib

İspaniya çempionu "Barselona"nın yarımmüdafiəçisi Pedri Çempionlar Liqasının 7-ci turunda Çexiyanın "Slaviya" komandasına qarşı keçirilən oyunda (4:2) zədə alıb.

"PostMedia" xəbər verir ki, bu barədə Kataloniya klubunun mətbuat xidməti məlumat yayıb.

İspaniyalı futbolçu məhsuldar ötürmə ilə yadda qalıb və görüşün 61-ci dəqiqəsində əvəzlənib. Pedrinin sağ budunun ikibaşlı əzələsi zədələnib.

23 yaşlı futbolçunun bərpası üçün bir ay vaxt lazım olacaq.

Cari mövsümdə Pedri "Barselona"nın heyətində 25 oyuna çıxıb, 2 qol və 8 məhsuldar ötürmə ilə yadda qalıb.