"Türk Hava Yolları"nın təyyarəsi uçuş zamanı partlayış təhlükəsi ilə bağlı məlumat yayılıb

"Türk Hava Yolları"na məxsus təyyarə, heyət üzvlərinin sərnişinlərdən birinin təyyarədə internet paylaşımı (hotspot) yaratdığını və ona bomba təhdidi ehtiva edən ad verdiyini aşkar etdikdən sonra təhlükəsiz eniş edib.

"PostMedia" xəbər verir ki, hadisə təyyarə Barselonaya yaxınlaşarkən baş verib. Bu barədə cümə axşamı şirkətin kommunikasiya rəhbəri Yəhya Üstün məlumat verib.

Üstün "X" sosial şəbəkəsində bildirib ki, insidentə cavab olaraq dərhal təhlükəsizlik prosedurları işə salınıb.

O əlavə edib ki, təyyarənin təhlükəsiz enişindən sonra İspaniya hakimiyyət orqanları beynəlxalq aviasiya təhlükəsizliyi qaydalarına uyğun olaraq yoxlamalar aparır.