İtaliya və Polşa öz vətəndaşlarını İranı tərk etməyə çağırıb

İtaliya təhlükəsizlik vəziyyəti ilə əlaqədar öz vətəndaşlarını yenidən İranı tərk etməyə çağırır.

“PostMedia” xəbər verir ki, bu barədə Reuters agentliyi məlumat yayıb.

Bəyanatda qeyd olunur ki, hazırda İranda təxminən 600 italiyalı yaşayır və onların əksəriyyəti Tehran ətrafında məskunlaşıb.

Polşa Xarici İşlər Nazirliyi də öz vətəndaşlarını dərhal İranı tərk etməyə çağırıb.

“Xarici İşlər Nazirliyi İranı təcili şəkildə tərk etməyə çağırır və ölkəyə bütün səfərlərdən çəkinməyi tövsiyə edir”, — deyə nazirliyin X sosial şəbəkəsindəki bəyanatında bildirilir.

Bundan əvvəl oxşar çağırışla Hindistan Xarici İşlər Nazirliyi də çıxış etmişdi.