Əmirbəyov: "Azərbaycan gələn il Ermənistanla sülh sazişi imzalamağa ümid edir"

Azərbaycan ümid edir ki, Ermənistanla sülh sazişi gələn il imzalanacaq.

"PostMedia" "RİA Novosti"yə istinadən xəbər verir ki, bunu Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov Cenevrədə jurnlistlərə açıqlmasında bildirib.

Əmirbəyov qeyd edib ki, bu tarixi il olacaq: "30 illik münaqişə nəhayət sona çatıb və biz sülhün rəsmi təsdiqlənməsinə yaxınıq. Avqust ayında Vaşinqtonda keçirilən sammit hər iki tərəfin sülh sazişinə sadiqlik niyyətini təsdiqlədi, bütün ölkələrin isə səhifəni çevirmək və regionun inkişafı üçün yeni bir mərhələyə başlamaq istəyi nümayiş olundu. Biz sülh sazişini yekunlaşdırırıq. Gələn il də mühüm il olacaq. Ümid edirik ki, Ermənistanla sülh sazişi rəsmi olaraq təsdiqlənəcək".