Erməni ekspertlər sülh gündəmini müzakirə etmək üçün Bakıya gəliblər

 Ermənistanın vətəndaş cəmiyyəti nümayəndələrindən ibarət qrup Bakıya gəlib. "PostMedia" xəbər verir ki, bu barədə Ermənistanın Təhlükəsizlik Siyasətinin Araşdırılması Mərkəzi məlumat yayıb.

“Bu səfər Azərbaycan nümayəndə heyətinin 2025-ci il oktyabrın 21–22-də Ermənistanın paytaxtına etdiyi səfərə cavab xarakteri daşıyır.

"Azərbaycan və Ermənistanın vətəndaş cəmiyyəti təmsilçiləri 8 avqustda Vaşinqtonda qəbul olunmuş birgə bəyannamədən sonra formalaşdırılan sülh gündəliyi çərçivəsində dialoqu davam etdirirlər”, —  məlumatda deyilir.