Simonyanın kortejindəki avtomobil jurnalistin avtomobili ilə toqquşub

Ermənistan Parlamentinin spikeri Alen Simonyanın avtomobil karvanına aid maşınlardan biri Ermənistanın "ArmLur.am" saytının əməkdaşının avtomobilinə çırpılıb və onun həyatını təhlükəyə atıb.

"PostMedia" xəbər verir ki, bu barədə həmin sayt özü məlumat yayıb.

hadisə zamanı Simonyanın karvanı siqnallarla yolda hərəkət edən əməkdaşdan yol tələb edib. Lakin jurnalist tuneldə, birtərəfli yolda hərəkət etdiyinə görə dərhal yol verə bilməyib.

Bildirilir ki, əməkdaş sonradan karvana yol versə də, karvana daxil olan avtomobillərdən biri media nümayəndəsinin maşınına çırpılıb və bununla da onun həyatını təhlükə altına qoyub.