Türkiyədə "CH-47" ağır nəqliyyat vertolyotu qəzaya uğrayıb

Türkiyə Quru Qoşunları Aviasiya Komandanlığına məxsus "CH-47" ağır nəqliyyat helikopteri təlim uçuşu zamanı Ankaranın Temelli rayonunda qəzaya uğrayıb.

"PostMedia" xəbər verir ki, bu barədə "TRT Haber" Türkiyənin Milli Müdafiə Nazirliyinə istinadən məlumat yayıb.

“Quru Qoşunları Aviasiya Komandanlığına məxsus "CH-47" ağır nəqliyyat helikopteri hələlik naməlum səbəbdən Ankaranın Temelli bölgəsində təlim uçuşu həyata keçirərkən qəzaya uğrayıb. Ekipaj arasında itki yoxdur”, – deyə Türkiyə MN-in açıqlamasında bildirilib.

Qəzanın səbəbi ətraflı araşdırmadan sonra müəyyən ediləcək.