İran tankerlərdən birinin ABŞ-nin blokadasını yardığını açıqlayıb

İran Silahlı Qüvvələri ABŞ-nin “blokadasını” yararaq bir neft tankerinin ölkə sularına daxil olduğunu bildirib.

"PostMedia" "Mehr News Agency"yə istinadən xəbər verir ki, İran Ordusunun mətbuat xidməti “Sili City” adlı tankerin Ərəb dənizi üzərindən keçərək ABŞ Hərbi Dəniz Qüvvələrinin əməliyyat qrupunun xəbərdarlıqlarına məhəl qoymadan İranın ərazi sularına daxil olduğunu açıqlayıb.

Bildirilir ki, gəmi İran Hərbi Dəniz Qüvvələrinin müşayiəti ilə ölkənin cənub limanlarından birinə çatıb və bir neçə saat orada lövbər salıb.