Koul Allenə qarşı yeni ittihamlar irəli sürüləcək

Kolumbiya dairəsi üzrə ABŞ prokuroru Janin Pirro bildirib ki, şənbə günü baş vermiş atışma hadisəsində şübhəli bilinən Koul Allenə qarşı əlavə ittihamlar irəli sürüləcək.

”PostMedia” xəbər verir ki, bu barədə CNN məlumat yayıb.

Daha əvvəl prokurorluq Allenə qarşı üç ittiham irəli sürüldüyünü açıqlamışdı. Bu ittihamlara ABŞ prezidentinə qarşı sui-qəsd cəhdi də daxildir.

“İstintaq davam etdikcə əlavə ittihamlar irəli sürüləcək. Bu, Amerika Birləşmiş Ştatlarının prezidentinə qarşı sui-qəsd cəhdi idi və təqsirləndirilən şəxs niyyətlərinin nədən ibarət olduğunu açıq şəkildə göstərib – yəni, Nazirlər Kabinetinin mümkün qədər çox yüksək vəzifəli üzvünü öldürmək”, – deyə prokuror qeyd edib.